စိတ်ထားတတ်ရင်မြတ်တယ်
“ အား.. ကျွတ်ကျွတ် ကျွတ် နာလိုက်တာ သေပါပြီ…”
အသံလာရာဘက်ကို ကျမလှည့်ကြည့်မိတယ်.. ယောဂီဝတ်စုံနဲ့အဖွားအိုတယောက် သူမရဲ့ဝေဒနာ ကို တစုံတယောက်ကြောင့် ထိခိုက်မိတဲ့အတွက် လူကြားထဲမျက်ရည်ဝဲစွာ ခံစားနေရတာ ကျမတွေ့လိုက်ရ တယ်..
လိုအပ်တဲ့ စာအုပ်စာတမ်းတွေဝယ်ဖို့ မြို့ထဲက စာအုပ်ဆိုင်ကို ထွက်လာရင်း လိုင်းကားကျပ်ကျပ် တစီးပေါ်မှာ ကြုံတွေ့ရတဲ့ မြင်ကွင်းတခုပါ.....လိုင်းကားက မနက်ပိုင်း ရုံးတတ်ချိန်ဖြစ်နေတာမို့ ငါးပိငါးချဉ် သိပ်ထားလေသလား အောက်မေ့ရတယ် အသက်တောင် ခက်ခက်ခဲခဲရှူနေရတဲ့အချိန်မှာ ဒီလိုနာကျည်း စွာခံစားနေရတဲ့ အသံကို လူတိုင်းနီးပါး သတိပြုမိလိုက်ကြတယ်.. ယောဂီဝတ်စုံနဲ့ အဖွားရဲ့ခြေထောက်ကို ကားဘရိတ်အုပ်မှုကြောင့် တစုံတယောက်က တက်နင်းမိလိုက်ပုံရတယ် ကံကောင်းတာ တခုလို့ပဲ ဆိုရလေမလား အခုလိုကားကျပ်နေချိန် မှာ အဖွားနေရာရထားတာပါပဲ.. ဒါမှမဟုတ် တစုံတယောက်က အဖွားအို အတွက် နေရာပေးထားလေသလား. ကျမသတိပြုမိလိုက်တဲ့အချိန်မှာ အဖွားကထိုင်နေရာကနေ မျက်ရည်တွေ တွေတွေစီးကျပြီး ဝေဒနာတရပ်ကို ခံစားနေရပြီလေ.. မြန်မာနိုင်ငံရဲ့ ဘတ်စ်ကားအချို့ ခုံနေရာတွေဆိုတာက ဘေးနှစ်ဘက်မှာ ခုံတန်းရှည်ကြီး ထိုးပေးထားတာပါပဲ..အဲဒီတော့ နေရာရလို့ထိုင်ရ တဲ့သူတွေအတွက် သက်သောင့်သက်သာ မရှိလှပါဘူး အပေါ်ကို အားပြုပြီးကိုင်ထားရသလို ကားဘရိတ် အုပ်ချိန် လွင့်မသွားအောင် ခြေထောက်ကလည်း ထောက်ထားရပါသေးတယ်... အဖွားရဲ့မျက်နှာချင်း ဆိုင်က မတ်တပ်ရပ်စီးနေတဲ့ ခရီးသွားတယောက် ကားဘရိတ် အုပ်ချိန်မှာ ခြေထောက်တက်နင်းမိ လိုက်ပေမယ့် သူကိုယ်တိုင်ပဲ မသိလေသလား သိရက်နဲ့မသိယောင် ဆောင်လိုက်လေသလား ဆိုတာ သူကိုယ်တိုင် အသိဆုံးဖြစ်နေမှာပါ....
“အဖွား ဘယ်နားနာသွားသေးလဲ ” အဖွားနဲ့ဘေး တစောင်းထိုးမှာ ကျမမတ်တပ်ရပ်စီးရင်း ကရုဏာသက်စွာ မေးလိုက်မိတယ်.. “အဖွားခြေထောက်တော်တော် နာသွားပြီ သမီးရယ်.” ပြောလည်းပြော ငိုလည်းငိုနေတဲ့ အဖွားရဲ့ခြေထောက်ကို ငုံ့ကြည့်မိလိုက်တော့ မြင်မကောင်းအောင် ပွန်းပဲ့ပြီး သွေးအရည်ကြည်တွေ စီးကျနေတယ်.. ပြီးတော့ အဖွားရဲ့ခြေထောက်က သာမန်ခြေထောက် တွေနဲ့မတူဘဲ ဖောယောင်ကိုင်းနေတာ သိသာလှတယ်...
“ ဘယ်ကိုသွားမှာလဲအဖွား ” မေးလည်းမေးရင်း အဖွားရဲ့ဘေးမှာနေရာ တနေရာရတော့ ကျမ ၀င်ထိုင်လိုက်တယ် ဝေဒနာကြီးနဲ့ အဖော်မပါဘဲ တယောက်တည်းဖြစ်နေတဲ့အဖွားကို ကျမနေရာရတော့ သဒ္ဒါပေါက်တာနဲ့ စာအုပ်ဝယ်ဖို့ စုထားတဲ့ဆီကနေ ငွေတထောင်ကျပ် လှူဒါန်းလိုက်တယ် “ အဖွားအတွက် သမီးလှူတာပါ အဖွားလိုရာသုံးပါ ” အဖွားက ကျမအတွက် ဆုမွန်ကောင်းတွေတောင်းပေးပြီး “ အဖွားမှာ ဆီးချို သွေးချို ရောဂါရှိတယ်သမီးရယ် အခု အနာထပ်ရတော့ ဘယ်တော့မှ ပျောက်တော့မှာမဟုတ်ဘူး ” ပြောရင်း ငိုနေတဲ့အဖွားကို သေချာကြည့်မိလိုက်တော့ အဖွားရဲ့ခန္ဓာကိုယ်တခုလုံးဟာ ရောဂါကြောင့် ဖောယောင်နေတဲ့အပြင် လက်တွေမှာလည်း ဒဏ်ရာဗလပွနဲ့ နာခြင်းဆိုတဲ့ ဒုက္ခဆိုးကို ကျိတ်မှိတ်ခံစားနေရတာ ပင်ပန်းလွန်းနေပါတယ်.. အဖွားသွားရမယ့်ခရီးကို ကျမလိုက်ပို့ပေးခဲ့ချင်ပေမယ့် ဘ၀ကပေးလာတဲ့ တာဝန်တွေ ထမ်းဆောင်ရဦးမယ့်ကျမအတွက် စိတ်ကနေသာ ကူညီစောင်မ ပေးခဲ့မိတယ် “ အဖွားတယောက် ဘေးမသီ ရန်မခဘဲ လိုရာခရီး ချောမောစွာသွားနိုင်ပါစေ ” အဖွားကားပေါ်ကဆင်းသွားတာကိုကြည့်ရင်း ကျမစိတ်ရင်းနဲ့ လှူဒါန်းမိခဲ့တဲ့အလှူအတွက် ကြည်နူးပီတိ ဖြစ်ခဲ့ရပါတယ်…....
သူတပါး ဒုက္ခရောက်တာတွေ့ရင် မျက်နှာမလွှဲ ကူညီပေးတတ်တာ ကျမရဲ့ စိတ်ရင်း စေတနာတရပ်ပါ ငွေကြေးတတ်နိုင်တဲ့ သူဌေး၊ သူကြွယ် စီးပွားရေးအသိုင်းအ၀ိုင်းက မဟုတ်ပေမယ့် ရှိတာလေးကို ပေးဝေလှူဒါန်း ရတာ ကျမရဲ့ဗီဇတခုလို့ ဆိုလေမလား…...
ဒီနေ့နေ့လည် သင်တန်းချိန်ရှိသေးတာမို့ မနက်ပိုင်း ဂိုက်ပြအပြီး သင်တန်းချိန်အမှီ ကတိုက်ကရိုက် အိမ်ကထွက်လာခဲ့ရတယ်.. မြန်မာနိုင်ငံရဲ့ နွေရာသီနေ့လည်ခင်းက ပြောပြစရာ မလိုလောက်အောင် ပူပြင်းလွန်း လှပါတယ်.. သင်တန်းချိန်မှီအောင် ကသုတ်ကရုတ် ထွက်လာခဲ့ရတာမို့ ဘေးဘီဝဲယာကို သတိမမူမိဘဲ ကိုယ့်အတွေးနဲ့ကိုယ် ဇောချွေးပြန်ပြီး ဘားလမ်းရဲ့ ဂုံးကျော်တံတားကြီးကို ဖြတ်လျှောက်နေချိန်..
“ ဘုန်းဘုန်းတို့က နယ်ကလာတာပါ အခုတည်းမယ့် ဘုန်းကြီးကျောင်းကို အသွားမှာ ဖိနပ်ပြတ်သွားလို့ ဒကာမကြီး တတ်နိုင်သလောက်လေး လှူပေးပါ..” အရှေ့တည့်တည့်မှ ဘုန်းဘုန်းနှစ်ပါး အလှူခံတာ တွေ့လိုက်ရတယ်… ကြည့်လိုက်တော့ ဘုန်းဘုန်းတပါးက ဖိနပ်ပြတ်လေးကို စီးထားပြီး ဘေးနားမှာအသာရပ်နေတယ် ကျမလဲ သင်တန်းချိန် နောက်ကျမှာမို့ ဘုန်းဘုန်းတို့ကို စကားပြန်မပြောနိုင်တော့ဘဲ မုန့်ဖိုးလေး စုထားတဲ့ဆီကနေ ၀ထ္ထုငွေငါးရာလှူဒါန်းခဲ့တယ်....... အဲဒီအချိန်တုန်းက ငွေငါးရာနဲ့ဘုန်းဘုန်းဖိနပ် ကောင်းကောင်းတရံ ၀ယ်မစီးနိုင်ပေမယ့် အတော်အသင့် ဖိနပ်တရံကိုတော့ ၀ယ်စီးနိုင်တာမို့ ကျမတတ်နိုင်သလောက်လေး လှူဒါန်းရင်း သင်တန်းဆီသို့ အပြေးအလွှားရောက်ခဲ့တယ် ကျမရောက်တော့ ဆရာမနဲ့ကျောင်းသားတွေလည်း စုံနေကြပြီမို့ စာသင်ကြားခြင်း စခဲ့ကြတယ်....
“ ဘုန်းဘုန်းတို့က နယ်ကလာတာပါ အခုတည်းမယ့် ဘုန်းကြီးကျောင်းကို အသွားမှာ ဖိနပ်ပြတ်သွားလို့ ဒကာမကြီး တတ်နိုင်သလောက်လေး လှူပေးပါ..” အရှေ့တည့်တည့်မှ ဘုန်းဘုန်းနှစ်ပါး အလှူခံတာ တွေ့လိုက်ရတယ်… ကြည့်လိုက်တော့ ဘုန်းဘုန်းတပါးက ဖိနပ်ပြတ်လေးကို စီးထားပြီး ဘေးနားမှာအသာရပ်နေတယ် ကျမလဲ သင်တန်းချိန် နောက်ကျမှာမို့ ဘုန်းဘုန်းတို့ကို စကားပြန်မပြောနိုင်တော့ဘဲ မုန့်ဖိုးလေး စုထားတဲ့ဆီကနေ ၀ထ္ထုငွေငါးရာလှူဒါန်းခဲ့တယ်....... အဲဒီအချိန်တုန်းက ငွေငါးရာနဲ့ဘုန်းဘုန်းဖိနပ် ကောင်းကောင်းတရံ ၀ယ်မစီးနိုင်ပေမယ့် အတော်အသင့် ဖိနပ်တရံကိုတော့ ၀ယ်စီးနိုင်တာမို့ ကျမတတ်နိုင်သလောက်လေး လှူဒါန်းရင်း သင်တန်းဆီသို့ အပြေးအလွှားရောက်ခဲ့တယ် ကျမရောက်တော့ ဆရာမနဲ့ကျောင်းသားတွေလည်း စုံနေကြပြီမို့ စာသင်ကြားခြင်း စခဲ့ကြတယ်....
သင်တန်းပြီးတော့ သူငယ်ချင်းတွေနဲ့အပြန်မှာ စောစောက ဘုန်းဘုန်းနှစ်ပါး အလှူခံခဲ့တဲ့နေရာကို ရောက်တော့ စကားစပ်မိရင်း ဘုန်းဘုန်းတို့ကိုလှူဒါန်းခဲ့တဲ့အကြောင်း ပြောပြတော့ သူငယ်ချင်းတွေဝိုင်းပြီး ထောပနာပြုမှုကို ကျမခံလိုက်ရတယ်လေ.....သူငယ်ချင်းတွေ ချီးကျူးလိုက်တာက “ နင်တော့အလိမ် ခံလိုက်ရပြီတဲ့ ” ကျမအရမ်းအံ့သြသွားတယ်.. “ဘာကြောင့်များပါလိမ့်” ကိုယ့်ရှေ့မှာ ဖိနပ်အပြတ်နဲ့ ရပ်နေတဲ့ ဘုန်းဘုန်းကို လှူဒါန်းမိတာ ဘာကြောင့်များ အလိမ်ခံလိုက်ရသလဲဆိုတာ သေချာ မေးကြည့်မိတော့မှ “အဲဒီဘုန်းဘုန်းနှစ်ပါးက အဲဒီလိုလုပ်ပြီး လမ်းသွားလမ်းလာတွေကို အလှူခံနေတာတဲ့”
ကျမကိုယ်ကျမ အံ့သြသင့်သွားတယ်.. သူတို့ပြောပြတဲ့ ဘုန်းဘုန်းနှစ်ပါးပုံစံက ကျမစောစောက တွေ့ခဲ့မိတဲ့ ဘုန်းဘုန်းနှစ်ပါးပုံစံနဲ့ တထပ်တည်းပါပဲ… ဒါဆိုသူတို့လည်း အဲဒီလိုအဖြစ်မျိုး ကြုံခဲ့ရမယ် ဆိုတာ မေးစရာမလိုဘဲ သိလိုက်ရတယ်…
ဒါပေမယ့် ကျမလှူဒါန်းခဲ့တဲ့ အလှူတခုအတွက် ကျမစေတနာ မပျက်ခဲ့ပါဘူး .. စိတ်မကွက် ခဲ့မိပါဘူး.. ကိုယ်လှူလိုက်တဲ့အလှူဟာ ကိုယ်ရဲ့စေတနာနဲ့ပဲ ဆိုင်ပါတယ် … ညနေ ထမင်းစားချိန် ရောက်တော့ ဖေဖေက မနက်အလုပ်သွားရင်း ဘုန်းဘုန်းနှစ်ပါး ဖိနပ်ပြတ်တာတွေ့လို့ လှူလိုက်တဲ့ အကြောင်း ထမင်းစားရင်းပြောပြလာချိန်မှာတော့ ကျမတော်တော် မှင်သက်မိသွားတယ်.. တိုက်ဆိုင် သွားတာပဲလား....ကျမဘာကိုမှ စောဒကမတက် ချင်တော့ပါဘူး...
လောကမှာ အတုအယောင်တွေကြောင့် စစ်မှန်တဲ့ ဗုဒ္ဓသာသနာတော်ကြီး မညှိုးနွမ်းစေချင်ဘူး.. မပျက်ပျယ်စေချင်ဘူး......စိတ်ထားတတ်ရင် မွန်မြတ်လှတာမို့ မည်သို့သောအလှူမျိုးကိုမဆို ကျမနောက်တခါ ထပ်ကြုံခဲ့ဦးမယ်ဆိုရင် စေတနာသဒ္ဒါတရား ထက်သန်စွာနဲ့ လှူဒါန်းနေဦးမှာပါ ..........
မြင့်မိုရ်လှိုင်
0 comments:
Post a Comment