နှစ်သစ် ခန်းဆီး ဖွင့်လှစ်ခြင်း

နှစ်သစ် ခန်းဆီး ဖွင့်လှစ်ခြင်း

တနှစ်ပြီးတနှစ် ဒီနှစ်သစ်
သက္ကရာဇ်တွေသာ ပြောင်းသွားတယ်
ဘ၀တွေက အကုန်အဟောင်း
အရာရာအားလုံး ဘာမှမပြောင်း။
တနှစ်ပြီးတနှစ် ဒီနှစ်သစ်
ဆုတောင်း အဟောင်းတွေ သစ်ခဲ့တယ်
ကောက်ကြောင်းတွေက ပုံမပြောင်း
အားလုံး အရင်လို နဂို အဟောင်း။
တနှစ်ပြီးတနှစ် ဒီနှစ်သစ်
အဟောင်းတွေ ပြန်သစ်ခဲ့တယ်
အဖြစ်တွေက မြင်မကောင်း
စစ်နွံထဲမှာ နစ်နေကြောင်း။
အဟောင်း အဟောင်း ၊ အကုန်အဟောင်း
မင်းလည်းအဟောင်း ၊ ငါလည်းအဟောင်း

ဇာတ်သိမ်းခန်းကို ရောက်ချင်ပြီ

ဇာတ်သိမ်းခန်းကို ရောက်ချင်ပြီ

ဖြစ်ပျက်နေပုံက
အဆစ်ကျိုးပြီး အစွယ်ချိုးခံထားရတဲ့
အဆိပ်မဲ့ မြွေတကောင်လို
ပလွေသံနဲ့ ခြူသံကြားမှ
ပခြုပ်အိမ် ပြတင်းဝ ပါးပြင်းထောင်ကမယ့်
မြွေအလိမ္မာတွေ ကြနေတာပဲ။    

မကျေနပ်ချင်စရာ ကောင်းရလောက်အောင်
နေတတ်ကြပုံ များကတော့
ခွေလိုက် ဆန့်လိုက် လူးလှိမ့်လိုက်
အချိန်တန်ရင် ထွက်ပြလိုက်နဲ့
ဒုက္ခသံသရာ ရှည်နေတာကို
ခန္တီစရိယာ ကျင့်နေလေရဲ့။    

မြန်မာပြည်မှ နိုဘဲလ်ဆုရှင်

        

မြန်မာပြည်မှ နိုဘဲလ်ဆုရှင်

ရဲစိတ်ရဲမာန် ၊ မျိုးဂုဏ်မှန်၍

စီမံဆောင်ရွက် ၊ ယုံကြည်ချက်နှင့်

ထက်မြက်သည့်ဥာဏ် ၊ ပြည့်တွက်ကျန်အောင်

အမှန်ပြည်ကျိုး ၊ သူသယ်ပိုးသည်

ကိုယ်ကျိုးကိုလည်းစွန့်ခဲ့ပြီ။

မြန်ပြည်လူ့ဘောင် ၊ ပြည်သစ်ထောင်ဖို့

စွမ်းဆောင်ကျိုးပမ်း ၊ ဦးထိပ်ထမ်းကာ

တက်လမ်းသူဖောက် ၊ ရွှေခေတ်ရောက်အောင်

တောက်လျှောက်မနား ၊ သူစွန့်စားသည်

နိုးကြားလုံ့လပြုခဲ့ပြီ။

ဧရာဝတီမြစ်နဒီမှာ သွေးနီတွေရဲပြန်ပြီလေ

ဧရာဝတီမြစ်နဒီမှာ သွေးနီတွေရဲပြန်ပြီလေ

ကြည့်လိုက်စမ်းပါ ဒီချိန်ခါ၌
ဇေယျာရွှေမြေ မြို့ဦးဗွေကို
မြစ်ရေရစ်ဝိုင်း စီးထွေသိုင်း၍
ရှုတိုင်းယဉ်စွာ လှနေရှာသည့်
ဧရာဝတီ မြစ်နဒီမှာ
ရာသီမကြို တေးမဆိုဘဲ
ရင်ကိုစည်တီး အံကြိတ်ပြီးတော့
ရှိုက်ကြီးငင်ကာ ငိုနေလိုက်တာ … ။

ဒီချိန်ရောက်လျှင် သူ့အသွင်မှာ
မရွှင်မလှ မှိုင်းပျပျနှင့်
စီးကျမျက်ရည် ဘောင်ဘင်ဝေ၍
မြစ်ရေဖားလျား သူပြေးလွှားကာ
အင်အားပြင်းထန် ထက်အောက်လှန်သည့်
တန်ပြန်စစ်ထိုး ဗျူဟာမျိုးဖြင့်
တံပိုးလှိုင်းတွေထတော့မယ် .. ။

တွေးမိ...ရင်မော

                                                     တွေးမိ…ရင်မော

ကြွေ မနိုး ကြက်မခုန်

ပိုးသာကုန် မောင်ပုံမော

ဗေဒါရုံ ရေယဉ်ကြောမှာ

သိုင်းဖွဲ့လို့မျော။

တက်မထိုး ရွက်မလုံ

ခက်ဖွယ်စုံ လေဟုန်နှက်မှ

လှေကြုံရှာ မျှော်တော်ဇောနှင့်

ကံပေါ်သာ ပုံချ ရိုးမယ်

တို့မြန်မာ သာကီမျိုးနွယ်

တွေးမိ ရင်မော။ ။
                                                                  

                                                                                          ရန်နိုင်ထွန်း

                                                                    လွတ်မြောက်နယ်မြေ၊ ကိုရီးယား